Kuri uyu wa Gatanu tariki 6 Gashyantare 2026, RSSB Tigers BBC yatwaye igikombe cya Super Cup 2026 cyateguwe na FERWABA itsinze APR BBC amanota 78–68 mu mukino wa nyuma wabereye muri BK Arena saa 20:00 mu mwuka w’ishyaka n’ihangana rikomeye.
Ikipe ya Tigers yitwaye neza kuva umukino utangiye kugeza urangiye, igaragaza ubukana mu busatirizi no kwitwara neza mu bwugarizi, bituma igira ihangana rikomeye ry’uko ikwiriye intsinzi. APR BBC na yo yagerageje kugaruka mu mukino, ariko Tigers ikomeza kuyirusha imbaraga n’ubuhanga.
Tigers BBC iri mu makipe yiyubatse cyane, ifite gahunda yo kwitwara neza muri uyu mwaka w’imikino wa 2026. Abakinnyi bashya yongeyemo ni Tigers yaguze Anthony Tarke, Antino Jackson, Hagumintwari Steven, Shyaka Olivier, Nyamwasa Bruno, Bizimungu Paul, Albert Odero.
Iyi ntsinzi ikomeye ishimangira ko RSSB Tigers BBC ikomeje kuba imwe mu makipe akomeye ya Basketball mu Rwanda, inongerera ibyishimo abakunzi bayo.
APR BBC yatsinzwe uyumukino irushwa amanota 10, yitwaye neza cyane muri irushanwa rya Super Cup 2026, igera ku mukino wa nyuma nyuma y’urugendo rukomeye rwari rurimo guhatana n’amakipe akomeye. Nubwo itabashije kwegukana igikombe, APR BBC yasoje irushanwa itwaye umudali wa feza, igaragaza urwego rwo hejuru, ubunyamwuga n’ubwitange.
Odero Albert Einstein Onyango, umukinnyi wa RSSB Tigers BBC, yagaragaje umukino mwiza cyane muri uyu mukino wa nyuma, imibare ye muri uwo mukino igaragaza ko yatsinze amanota (20 PTS), atera rebounds (6 REB), anatanga assists (3 AST).
Kurundi ruhande APR W BBC yitwaye neza cyane itsinda REG W BBC amanota 75–62 mumukino wabereye muri BK Arena saa 18:00, itwara igikombe cya Super Cup 2026 mukiciro cy’abagore.
Jane Dusabe, umukinnyi wa APR W BBC,ari mubagaragaje ubuhanga n’imbaraga mu kuyobora ikipe, imibare ye muri uwo mukino yatsinze amanota (13 PTS), akora rebounds (15 REB), akora steals (3 STL), atera blocks (3 BLK).
About The Author
