Murukerera rwo kuwa Kane tariki 14 Gicurasi 2026 Cleveland Cavaliers yagaragaje umutima udacika intege, igaruka mu minota ya nyuma itsinda Detroit Pistons amanota 117-113. Iyi ntsinzi ikomeye yayihesheje kuyobora uyu mukino wa kamarampaka ku ntsinzi y’imikino 3-2.
James Harden yatsinze amanota 30, naho Donovan Mitchell atsinda 21 harimo 7 yabonye mu minota y’inyongera, bifasha Cleveland Cavaliers kugaruka mu mukino batsinda Detroit Pistons amanota 117-113, bagwiza imikino 3-2 muri 1/2 cya kamarampaka ya Eastern Conference semifinals.
Max Strus yatsinze amanota 20 anafata rebounds 8, naho Evan Mobley atsinda 19, afata rebounds 8 anatanga assists 8, bifasha Cavaliers guhagarika urukurikirane rw’imikino 5 badatsinda bari hanze.
Harden yanagize rebounds 8 na assists 6, mu gihe Jarrett Allen yatsinze amanota 16 anafata rebounds 10.
Umutoza wa Cavaliers, Kenny Atkinson, yagize ati:
“Twizeye ko iyi ntsinzi izadutera imbaraga kandi tukayubakiraho mu mikino iri imbere.”
Ku ruhande rwa Pistons, Cade Cunningham yatsinze amanota 39, afata rebounds 9 anatanga assists 7, naho Daniss Jenkins atsinda 19. Ubu Pistons ishobora gusezererwa ku nshuro ya kane muri izi playoffs.
Cunningham yavuze ati:
“Ni igihombo gikomeye. Twashakaga kwitara neza kukibuga cyacu ariko ntibyadukundiye. Kuba batsinze imikino 3-2 bibaha amahirwe menshi.”
Harden na we yongeyeho ati:
“Nubwo Mitchell atitwaye neza cyane, dufite ikipe imufasha. Strus yakoze akazi gakomeye, na Dennis (Schröder) yitwaye neza. Ni intsinzi y’ikipe yose.”
Mu minota y’inyongera, Cleveland yatangiye neza itsinda amanota 9 mu 11 ya mbere, igeza amanota112-105.
Cunningham yagerageje kugarura ikipe ye hafi atsinda igitego cyamugejeje kuri 113-111 hasigaye amasegonda 25.9, ariko Cavaliers barangiza neza umukino bakoresheje throws z’ubusa (free throws), aho Harden na Mobley batsinze 4 muri 6 za nyuma.
Umutoza wa Pistons, JB Bickerstaff, yavuze ati:
“Batangiye kudufunga kuri Cade. Tuzabikosora, tuzagaruka neza.”
Mu gace ka nyuma k’umukino (quarter ya kane), Detroit yari yabonye ikinyuranyo cya 100-91, ariko Cleveland iza kugaruka iranganya 103-103 ku masegonda 45.2, binyuze kuri free throws za Mobley. Nubwo yari ifite amahirwe yo gutsinda mbere y’uko igihe kirangira, ntiyabashije gutera umupira.
Mu ntangiriro z’umukino, Pistons yatangiye neza iyobowe na Jenkins, ariko umukino uza kuba uw’ishiraniro. Detroit yanasoje igice cya mbere iyoboye 60-52.
Mu gice cya gatatu, Cavaliers yahinduye isura y’umukino, igabanya ikinyuranyo igera no ku manota 84-80 mbere yo kwinjira mu gace ka nyuma.
Strus yavuze ati:
“Ntabwo byari byoroshye mu gutsinda amanota, ariko twabonye uburyo bwo gutsinda. Iyi ntsinzi ni ingenzi cyane kuri twe.”
Pistons yakinnye idafite umukinnyi wayo Duncan Robinson kubera uburwayi bw’umugongo.
Umukino wa 6 uzaba ku wa Gatanu i Cleveland.
Niba Cavaliers itsinze, izagera ku mukino wa nyuma wa Eastern Conference ihure na New York Knicks.
Niba Pistons itsinze, hazaba umukino wa 7 uzabera ku kibuga cya Detroit ku Cyumweru.
About The Author
