Lamine Yamal yatsinze ibitego bitatu-Hatrick bwa mbere muri career ye, mumukino Barcelona yatsindaga Villarreal CF ibitego 4-1 mu mukino wa La Liga wabaye kuri uyu wa Gatandatu tariki 28 Gashyantare 2026, bituma irusha amanota ane Real Madrid iri ku mwanya wa kabiri ku rutonde.
Barcelona ifite amanota 64, mu gihe Real Madrid ifite amanota 60 mbere y’umukino wayo wo kwakira Getafe ku wa Mbere. Villarreal iguma ku mwanya wa gatatu n’amanota 51, iri kure cyane y’iza mbere.
Yamal yafunguye amazamu ku munota wa 28, nyuma y’uko Fermin Lopez yambuye umupira Pape Gueye, akamuhereza umupira ku ruhande rw’iburyo, maze uyu mukinnyi w’imyaka 18 awutsinda awushyira hasi ku ruhande rw’ibumoso bw’izamu.
Nyuma y’iminota icyenda, Yamal yongeye gutsinda igitego cya kabiri akoresheje ubuhanga buhanitse, agenzura umupira muremure ku ruhande rw’iburyo, aca ku bakinnyi babiri barimo Sergi Cardona na Alvaro Moleiro, mbere yo gutera ishoti rikomeye ryinjira mu nguni y’izamu hejuru, ridashobora gufatwa.
Ku munota wa 49, Gueye yishyuye igitego kimwe atsindishije umupira wa hafi, ariko Villarreal ntibyabahiriye kubona igitego cyo kwishyura. Byaje kubagiraho ingaruka kuko ku munota wa 69 Yamal yasoje hat-trick ye atsindira kuri counterattack.
Robert Lewandowski winjiye asimbuye, yongeyeho igitego cya kane mu minota y’inyongera, atsindishije umupira wari uturutse ku ruhande rw’iburyo watanzwe na Jules Kounde.
Lamine Yamal ageze kuruhare rwibitego 100 muri career ye afite imyaka 18 gusa, 48 ibitego, 52 imipira yavuyemo ibitego-assists, Yamal arimo kwandika amateka hakiri kare.
Yamal yavuze ko yishimiye cyane intsinzi n’ibitego bye.
Yagize ati: “Ntekereza ko Villarreal ari ikipe nziza cyane iri ku mwanya wa gatatu. Nishimiye cyane intsinzi yacu n’ibitego natsinze.”
Abajijwe ku gitego cye cya kabiri cyatangaje benshi, yagize ati: “Iyo mfite umupira, ni njye uhitamo aho tujya. Nategereje ko myugariro ajya ku ruhande rumwe, nanjye njya ku rundi.”
About The Author
