Kuri uyu wa Gatatu, tariki ya 4 Werurwe 2026 muri Village Urugwiro habaye inama y’abaminisitri yayobowe na Nyakubahwa Paul Kagame, Perezida wa Repubulika y’u Rwanda.
Iyinama yitabiriwe nabaministri nabanyamabanga bazaministeri bafatiramo imyanzuro yasinzweho na Ministri w’intebe Dr. NSENGIYUMVA Justin.
Dore imyanzuro yatangajwe nyuma yiyinama.
1. Imishinga y’Amategeko yemejwe
Inama y’Abaminisitiri yemeje imishinga y’amategeko ikurikira:
- Umushinga w’itegeko rigenga amatora.
- Umushinga w’itegeko rigenga Komisiyo y’Igihugu y’Uburenganzira bwa Muntu.
- Umushinga w’itegeko rigenga ubucuruzi bw’umutungo bwite mu by’ubwenge (Intellectual Property).
- Umushinga w’itegeko ryemeza ivugururwa ry’amasezerano y’inguzanyo (yasinywe ku wa 10 Ukwakira 2020) hagati y’u Rwanda na International Fund for Agricultural Development (IFAD) ajyanye n’umushinga wo guteza imbere amasoko arambye n’imirongo y’inyongeragaciro.
- Umushinga w’itegeko ryemeza ivugururwa ry’amasezerano y’inguzanyo (yasinywe ku wa 17 Ukwakira 2021) hagati y’u Rwanda na IFAD ajyanye n’umushinga wo kuhira mu Karere ka Kayonza no gucunga neza imigezi n’amasoko y’amazi (Icyiciro cya 2).
2. Amateka yemejwe
- Iteka rya Minisitiri riha ifungurwa ry’agateganyo imfungwa 1,874.
- Iteka rya Minisitiri rigena imicungire y’imari n’umutungo bya Leta.
- Iteka rya Perezida rigenga Inama Nkuru y’Amashuri Makuru (HEC).
- Iteka rya Minisitiri w’Intebe rigena imiterere n’imikorere bya HEC.
- Iteka rya Minisitiri w’Intebe rishyiraho sitati yihariye y’abakozi mu Rwego rw’Iyandikisha ry’Ubutaka.
- Iteka rya Minisitiri rigenga umutungo bwite mu by’inganda, harimo kwiyandikisha, kurinda no kwishyura amahoro.
- Iteka rya Minisitiri rigena uburyo bwo gukusanya no kugabanya amafaranga y’uburenganzira ku bihangano n’ubundi burenganzira bubishamikiyeho.
3. Politiki, Ingamba na Gahunda
- Politiki yo gukumira no kurwanya iyezandonke, gutera inkunga iterabwoba no gukwirakwiza intwaro za kirimbuzi.
- Gutanga impushya zo gushakisha amabuye y’agaciro n’amabuye yo kubaka.
- Amasezerano hagati ya Guverinoma y’u Rwanda na Planner Corretora de Valores S.A yo gukodesha ubutaka bwa Leta mu mushinga w’inka z’inyama i Gako mu Karere ka Bugesera.
- Amasezerano hagati ya Guverinoma y’u Rwanda na Bauhaus International Rwanda Ltd yo guteza imbere ibikorwa by’imiturire.
- Gukodesha ubutaka bwa Leta kuri Kivu Waterfront Limited mu rwego rw’ishoramari.
4. Abahagarariye Ibihugu byabo mu Rwanda
Inama y’Abaminisitiri yemeje Abambasaderi bakurikira:
- Henrik Nilsson: Ambasaderi wa Suwede afite ikicaro i Kigali.
- Tinyiko George Hlungwane: Ambasaderi wa Afurika y’Epfo afite ikicaro i Kigali.
- Juan Humberto Macías Pino: Ambasaderi wa Cuba afite ikicaro i Kampala.
5. Abashyizwe mu Myanya Nkuru
Banki Nkuru y’u Rwanda (BNR) – Inama y’Ubutegetsi
- Mukete Diko Jacob
- Dushimire Alice
- Nsengumuremyi Cyridion
- Nabaasa Judith
- Mwizerwa Jean Claude
- Dr. Batamuliza Jennifer
- Muhongerwa K. Judith
Urukiko Rukuru n’Urukiko Rukuru rw’Ubucuruzi
- Mukabagwiza Edda (Perezida)
- Rusanganwa Jean Damascène (Perezida)
- Abandi barimo: Mukanyundo Patricie, Nyirinkwaya Immaculée, Rudasingwa Joseph, Mukama Augustin, na Ndabirora Kalinda Jean Damascène (Umwanditsi Mukuru).
Minisiteri y’Ubutegetsi bw’Igihugu (MINALOC)
- Ingabire Jean Claude: Umuyobozi Mukuru ushinzwe igenamigambi, gukurikirana no gusuzuma ibikorwa.
- Mukobwa Justine: Umunyamabanga Nshingwabikorwa w’Inama y’Igihugu y’Abafite Ubumuga (NCPD).
Rwanda Mines, Petroleum and Gas Board (RMB)
- Uwiduhaye Jean d’Amour: Umuyobozi w’Ishami rishinzwe ubushakashatsi no gushakisha amabuye y’agaciro.
- Umuhorakeye Alice: Umuyobozi w’Ishami rishinzwe kugenzura ubucukuzi bw’amabuye y’agaciro.
6. Ibindi
- Umunsi Mpuzamahanga w’Umugore: Uzizihizwa ku wa 8 Werurwe 2026.
- Inama ya Loni ku Miterere y’Umugore (CSW70): u Rwanda ruzitabira iyi nama izabera i New York kuva ku wa 9 kugeza ku wa 19 Werurwe 2026.
- Inama y’Ihuriro Mpuzamahanga ry’Ibikorwa byo mu Isanzure (IAF): u Rwanda ruzayakira kuva ku wa 2 kugeza ku wa 6 Kamena 2026.
About The Author
