Ikipe ya Sabah FC yegukanye igikombe cya shampiyona ya Azerbaijan (Misli Premyer Liqası) ya 2025/26 ku nshuro ya mbere mu mateka yayo. Ni intsinzi ikomeye cyane kuko bayegukanye hasigaye imikino ine ngo shampiyona irangire.
Ku wa 30 Mata 2026, ikipe ya Neftçi PFK yatsinze Qarabağ FK ibitego 2–1 bishimangira ko Sabah FC itwaye igikombe bidasubirwaho.
Abanyarwanda bafite impamvu yo kwishimira iki gikombe kubera Joy-Lance Mickels.
Uyu mukinnyi ukinira Amavubi, ukomoka mu Budage afite inkomoko mu Rwanda, yabaye umwe mu bakinnyi b’ingenzi ba Sabah FC muri uyu mwaka kuko yatsinze ibitego byinshi, atanga imipira yavuyemo ibitego (assists), agaragaza ubunararibonye n’ubuhanga ku ruhande rw’ibumoso.
Nyuma yaho Sabah FC itwaye igikombe cya shampiyona FERWAFA inyuze kumbuga zayo yakeje uyu mukinnyi w’Amavubi Mickels imushimira n’ikipe ye nyuma yo gukora amateka akomeye.
Sabah FC yashinzwe mu 2017, ariko mu gihe gito cyane imaze kugera ku rwego rwo hejuru. Muri uyu mwaka w’imikino:
- Yatsinze imikino 22
- Yanganyije 6
- Itsindwa 1 gusa
- Yinjije ibitego 69, itsindwa 21
- Igira amanota 72
Iyi kipe iyobowe n’umutoza Valdas Dambrauskas yerekanye urwego rudasanzwe mumitoreze, anakurikizaho gutwara igikombe cya Azerbaijan Cup cya 2024/25.
Uruhare rwe rwagize uruhare runini mu gutuma Sabah yegukana igikombe, kandi rwanamwongereye agaciro mu ikipe y’igihugu y’u Rwanda.
Qarabağ FK yari imaze imyaka irenga icumi yiharira shampiyona, ariko uyu mwaka Sabah FC ni yo yayikuye ku ntebe. Kubera iki gikombe begukanye Sabah FC izitabira amajonjora ya UEFA Champions League 2026/27, kandi ifite amahirwe yo gukora “double” kuko izakina final ya Azerbaijan Cup na Zira FK
About The Author
