Nyuma y’imyaka icumi atoza Manchester City, Pep Guardiola azatandukana nayo mu mpera za shampiyona ya 2025/26. Uyu mutoza w’Umumwespanyol w’imyaka 55, winjiye muri iyi kipe mu 2016, bagatwarana ibikombe bikomeye 20. Muri byo harimo ibikombe 6 bya Premier League, UEFA Champions League imwe.
Mu mwaka we wa nyuma, nubwo atatwaye Premier League, Guardiola gusa yabahaye FA Cup na Carabao Cup. Azakomeza gukorana na City Football Group nk’Ambasaderi Mpuzamahanga. Ntamusimbura we uratangazwa ku mugaragaro, nubwo amakuru yerekana ko Enzo Maresca ari umwe mu bakandida bakomeye. City izahura na Aston Villa mu mukino wayo wa nyuma wa Premier League ku Cyumweru.
Mumagambo yogutangaza ko asezeye yagize ati: “Ntimumbaze impamvu nsezeye. Nta mpamvu ihari, ariko imbere mu mutima wanjye, nzi neza ko igihe cyanjye cyari kigeze.”
“Nta kintu gihoraho iteka, iyo kiba gihoraho, nari kuba nkiri hano. ikizahoraho ni amarangamutima, abantu, amateka, n’urukundo mfitiye Manchester City yanjye.”
Josep Guardiola bakunzwe kwita Pep yavutse ku wa 18 Mutarama 1971 i Santpedor, umujyi muto wo muri Catalonia muri Espagne, km 70 uvuye i Barcelona. Yakuriye mu muryango w’abakozi papa we yari umwubatsi naho nyina yari umubyeyi wo mu rugo, aho yatangiye gukunda cyane umupira w’amaguru akiri muto.
Afite imyaka 13, yinjiye mu ishuri rizwi rya La Masia rya FC Barcelona avuye muri Gimnàstic Manresa. Guardiola yagiye azamuka mu byiciro by’abato maze akina umukino we wa mbere mu ikipe nkuru mu 1990 nk’umukinnyi wo hagati. Yabaye umwe mu bakinnyi b’ingenzi mu ikipe y’amateka ya Johan Cruyff yitwaga “Dream Team,” ihagarariye uburyo bwo gukina bushingiye kuri total football.
Ibyo yagezeho muri Barcelona nk’umukinnyi kuva 1990–2001: ibikombe 6 bya La Liga, igikombe 1 cya UEFA Champions League muri 1992, arinacyo cyambere Barcelona yatwaye, ibikombe 2 bya Copa del Rey, ibikombe 6 bya Spanish Super Cup
Yakinnye imikino 479 muri Barça, atsinda ibitego 16, kandi akinira ikipe y’igihugu ya Espagne inshuro zirenga 40. Nyuma yo kuva muri Barcelona mu 2001, yakiniye amakipe yo mu Butaliyani ariyo Brescia, Roma, Qatar akinira Al-Ahli, na Mexico yakiniye Dorados de Sinaloa mbere yo guhagarika gukina mu 2006.
Guardiola yatangiye ubutoza mu 2007 muri Barcelona B, mu 2008, yahise ahabwa gutoza ikipe nkuru afite imyaka 37 gusa, asanga harimo abakinnyi nka Lionel Messi, Xavi, na Andrés Iniesta. Yahinduye uburyo bw’umupira azana style ya tiki-taka.
Mumyaka ine (2008–2012), yegukanye ibikombe 14 bikomeye, birimo: ibikombe 3 bya La Liga, ibikombe 2 bya UEFA Champions League (2009, 2011), ibikombe 2 bya FIFA Club World Cup
Ikipe ye ya Barcelona ifatwa nk’imwe mu makipe meza cyane yabayeho mu mateka.
Nyuma yo gufata ikiruhuko, Guardiola yagiye muri Bayern Munich. Yahinduye uburyo bwe bujyana n’umupira w’Ubudage, atwara Bundesliga mu myaka yose uko ari itatu, harimo n’inshuro ebyiri yatwaye ibikombe bibiri by’imbere mu gihugu. Yatwaye kandi UEFA Super Cup na FIFA Club World Cup. Nubwo UEFA Champions League itamuhiriye (yasorezaga muri semifinal), yagaragaje ubuhanga bwe mu mikinire hamwe n’abakinnyi nka Thomas Müller, Arjen Robben, na Robert Lewandowski.
Guardiola yageze muri Etihad muri Nyakanga 2016 afite intego yo kugira Manchester City igihangange ku rwego rw’i Burayi. Nyuma y’umwaka wa mbere utarimo igikombe yahinduye ikipe cyane.
Dore ibikombe byose yatwaye: League Cup yo mu 2018, Premier League yo mu 2018, Community Shield yo mu 2018, League Cup yo mu 2019, Premier League yo mu 2019, FA Cup yo mu 2019, Community Shield yo mu 2019, League Cup yo mu 2020, League Cup yo mu 2021, Premier League yo mu 2021, Premier League yo mu 2022, Premier League yo mu 2023, FA Cup yo mu 2023, Champions League yo mu 2023, Super Cup yo mu 2023, Club World Cup yo mu 2023, Premier League yo mu 2024, Community Shield yo mu 2024, League Cup yo mu 2026 ndetse na FA Cup yo mu 2026.
Ibigwi yakoze muri Mancity n’ibikombe 6 bya Premier League harimo season y’amanota 100 mu 2017/18 ndetse n’ibikombe bine bikurikirana kuva 2021–2024,
Igikombe 1 cya UEFA Champions League, Treble yomuri 2022/23
Muri rusange, yatwaye ibikombe bikomeye 20 mu myaka 10, ahindura Manchester City iva ku kuba ikipe iciriritse iba imwe mu makipe ateye ubwoba ku isi.
Yagize uruhare mukuzamurira urwego abakinnyi nka Kevin De Bruyne, Erling Haaland, Phil Foden, na Rodri wanatwaye Ballon d’or.
About The Author
