Abasirikare ba Israel hamwe n’abimukira bayo batujwe mu butaka bwigaruriwe, bishe nibura Abanyapalestine 11 mu bice bya Gaza no muri West Bank, nk’uko byatangajwe n’inzego za Palestine n’ibitangazamakuru byaho. Ibi bibaye mu gihe hari agahenge kari karatangajwe kuva mu Ukwakira.
Mu gace ka Gaza Strip, abantu barindwi bishwe mu bitero bitandukanye. Harimo umwana wapfuye nyuma y’iminsi 10 arashwe mu mutwe, ndetse abandi 21 bakomereka mu masaha 24 ashize.
Amakuru avuga ko abantu batatu bishwe hafi ya Khan Younis mu majyepfo ya Gaza, umwe muri bo akaba yari aherutse gukora ubukwe. Undi mugabo na we yaje kwicwa nyuma mu gitero cya drone hafi ya Sheikh Nasser, mu burasirazuba bwa Khan Younis.
Mu majyaruguru ya Gaza, umugore umwe yishwe ubwo ingabo za Israel zarasaga ku mahema acumbikiwemo imiryango y’abimuwe, mu majyaruguru y’uburengerazuba bwa Beit Lahiya.
Amashusho yemejwe yagaragaje umurambo w’umwana witwa Abdullah Dawas, wapfiriye nyuma yo kurasirwa hafi ya al-Fakhoura Clinic mu nkambi y’impunzi ya Jabalia Refugee Camp.
Hari kandi undi muntu wishwe mu gitero cyagabwe ku bantu bari bateraniye ahazwi nka Dawla Roundabout, mu gace ka Zeitoun ko mu Mujyi wa Gaza City, abandi benshi barakomereka.
Mbere yaho, drones za Israel zari zateye ibisasu ku ihema ryari ricumbikiye abaturage bimuwe hafi ya Shujayea, bituma rifatwa n’inkongi y’umuriro.
About The Author
