Hitimana Jean Claude uzwi nka Hit umunyamakuru wa Siporo akaba n’umuyobozi wa Radio,na Ishimwe Adelaïde uzwi nka Ida bahoze bakorana kuri iki gitangazamakuru bakoze ubukwe, nyuma kwemeranya kurushinga ndetse bagasezerana imbere y’amategeko.
Ubu bukwe bwabaye kuri uyu wa 5 Nzeri 2026, bwitabirwa n’abanyamakuru ba siporo banyuranye barimo Kayishema Tity Thierry, Mugenzi Faustin, Mahoro Nasri, Ngabo Roben na Bigirimana Guss n’abandi benshi.
N’ubukwe bwabimburiwe n’umuhango wo gusaba no gukwa, mu gihe bakomereje mu gusezerana imbere y’Imana nyuma abatumiwe bakaza kwakirwa.
Umunyamakuru Hitimana amaze imyaka isaga 10 mu mwuga w’itangazamakuru rya siporo, asanzwe ari na Visi Perezida w’Ishyirahamwe ry’Abanyamakuru b’imikino (AJSPOR).
Naho Ishimwe Adelaïde yasezeye kuri RadioTV/10 yari amaze imyaka ine akorera, aho yakoraga mu kiganiro cy’imikino yahuriragamo na Hitimana kizwi nk’Urukiko rw’Imikino (10sport), gusa akaba akomeje kugaragara mu bikorwa bitandukanye bya ruhago mu Rwanda.
About The Author
