Abahanzi bakaba n’abakunzi mu buzima busanzwe, Tuyizere Kelia uzwi nka Kelliah na Emmanuel Ndayambaje wamamaye nka Bob Pro nk’umwe mu batunganya amajwi (Mastering) bakanayanoza mu Rwanda mu ndirimbo nka ‘Ndi Ready’ ya Kevin Kade, ‘Gake Gake’ ya Bwiza na ‘Eva’ ya Kitoko, basezeranye kubana akaramata kuri iki Cyumweru tariki ya 13 Nzeri 2026.
Uyu muhango wo gusezerana watumye batera intambwe ikomeye mu mubano wabo umaze igihe urangwa n’umunyenga w’urukundo. Mu mateka ya Bob Pro, uyu musaza yavukiye i Tooro muri Uganda, ahigaira n’amashuri ye abanza i Kasese mbere y’uko yimukira mu Rwanda kuharangiriza ayisumbuye no kwerekeza mu Bubiligi aho yize gucuranga Piano, ibintu byamufashije kugira uruhare rukomeye mu mishinga y’indirimbo zitandukanye z’abahanzi bo mu Rwanda binyuze mu kunoza amajwi.
Ku ruhande rwa Kelliah, ni umuhanzikazi umaze igihe kinini mu muziki nyarwanda, aho yamenyekanye cyane binyuze mu ndirimbo ze zitandukanye zirimo ‘Renge’, ‘Mon Bébé’, ‘Gitego’, ndetse na ‘Together’, bikaba byaramufashije kwigarurira imitima y’abakunzi b’umuziki binyuze mu mikoranire ye n’imishinga itandukanye.
Ubukwe bwabo bwabaye ishimangirwa ry’urukundo rwabo, bemeranya kubana nk’umugabo n’umugore kuri iyi tariki y’ibihumbi bibiri na makumyabiri na bitandatu.
About The Author
