Muri Kuwait habaye inkuru idasanzwe yakuruye impaka ku mbuga nkoranyambaga, nyuma y’uko ubukwe bw’umugabo n’umugore bumaze iminota itatu gusa mbere yo guseswa n’urukiko.
Amakuru avuga ko aba bombi bari bamaze gusinya impapuro zemeza ubukwe bwabo, basohoka mu rukiko bishimye nk’abari batangiye ubuzima bushya. Icyakora ibintu byahindutse mu kanya gato ubwo umugeni yatsikaga imbere y’abantu.
Mu gihe benshi bari biteze ko umugabo amufasha cyangwa akamwihanganisha, ngo yahise amutuka amwita “igicucu”. Iryo jambo ryahise ribabaza umugeni cyane, ahita afata icyemezo cyo gusubira imbere y’umucamanza asaba ko ubukwe buseswa.
Umucamanza yahise yemera icyifuzo cye, maze urwo rushako rurangirira aho, hashize iminota mike gusa rwemewe n’amategeko.
Iyi nkuru yakomeje kuvugisha benshi ku mbuga nkoranyambaga, aho abatari bake bashimye ubutwari bw’uwo mugeni bwo kudakomeza ubuzima bumugaragaramo kutubahwa kuva ku munsi wa mbere.
Hari n’abavuze ko rimwe na rimwe amagambo make ashobora guhishura imico nyakuri y’umuntu hakiri kare.
About The Author
