Kuva tariki ya 6 kugera 12 Kamena 2026, Nyirubutungane Papa Leon XIV ari mu rugendo rwa Gishumba mu gihugu cya Espagne.
Ku ikubitiro Papa yabanje gusura Umurwa mukuru Madrid ku itariki ya 6, yakirwa n’Ubuyobozi Bukuru bw’iki Gihugu mu Ngoro y’Umwami, ahura n’inzego z’ubuyobozi, ndetse anahura n’urubyiruko mu Isengesho.
Gusura Madrid byarakomeje ku itariki 7 no ku 8. Aho tariki 8 yaganiye na Minisitiri w’Intebe, Abagize Inteko Ishingamategeko kimwe n’Abepisikopi bo muri iki gihugu, buri bose ukwabo.
Kuri iyo tariki yanasuye Sitade Santiago Bernabeu.
Uyu munsi tariki 9, yakomereje uruzinduko rwe mu mugi wa Barcelona nyuma yo kuva I Madrid amaze guhura n’itsinda ry’Abakorerabushake.
Gusura Barcelona birakomeza Tariki ya 10 na 11 aho azifatanya n’abakristu mu kuvuga Rozari Ntagatifu I Monserati, akaganira n’Abagize Imiryango Ifasha Abatishoboye ya Kiliziya.
Azaganira n’Abagize Imiryango ikora mu bijyanye n’Impunzi, ndetse akanasoza ahura n’Abepisikopi, Abapadiri, Abadiyakoni n’Abaseminari kimwe n’abandi Bihayimana n’Abakora imirimo ya Kiliziya.
Azasoza uruzinduko rwe tariki 12 ahura n’impunzi, n’Abakora mu Bigo Byakira Impunzi. Ndetse azanatura Igitambo cya Misa mbere yo kugaruka I Roma.
Ubutumwa bw’ingenzi bw’uru ruzinduko, nk’uko tubikesha Vatican News, ni Nimwitegereze: “Alzad la mirada” mu rumiri rwo muri Espane.
Uru ni uruzinduko, rubaye urwa kane akoze kuva abaye Umushumba wa Kiliziya Gatolika, ni urwa mbere nyuma y’imyaka 15 Papa akoreye muri Espagne akurikiye Papa Benedigito XVI.
Espagne yagezemo Ubukristu mu kinyejena cya 1 ubwo Intumwa Yakobo yajyaga kuhamamaza Inkuru Nziza. Akab ari nah o yashyinguwe nyuma yo kwicirwa I Yeruzalemu.
About The Author
