Paris Saint-Germain yegukanye igikombe cya UEFA Super Cup 2026/2027 nyuma yo gutsinda Aston Villa ibitego 2-1 kuri uyu wa Gatatu kuri sitade ya Red Bull Arena i Salzburg muri Ostrich. Ikipe ya PSG yabashije kwisubiza ikigikombe kunshuro ya kabiri, iba ikipe ya mbere yongeye kwegukana iki gikombe inshuro ebyiri zikurikirana kuva Real Madrid yabikora mu 2016 no mu 2017. Ni na yo kipe ya gatatu mu mateka ibigezeho nyuma ya AC Milan.
Aston Villa yatangiye umukino neza, ariko PSG yaje kugenda ifata umupira no kugenzura umukino.
Ku munota wa 20, Khvicha Kvaratskhelia yafunguye amazamu atsinda igitego cyiza cyane nyuma yo kurekura ishoti rikomeye ryanyuze ku munyezamu Marco Bizot.
Nubwo PSG yari yabonye igitego, Aston Villa yakomeje gusatira cyane binyuze kuri Brian Madjo, rutahizamu w’imyaka 17.
Ku munota wa 45, Brian Madjo yishyuriye Aston Villa nyuma yo kwakira umupira mwiza wa John McGinn, atsinda igitego cyatumye amakipe yombi ajya kuruhuka anganya 1-1.
Mu gice cya kabiri, umutoza wa PSG yakoze impinduka yinjiza Ousmane Dembélé.
Ku munota wa 61, Désiré Doué yatsinze igitego cya kabiri cya PSG nyuma yo guhabwa umupira na Dembélé.
Ku ikubitiro, umusifuzi yari yavuze ko Doué yaraririye, ariko nyuma yo kwifashisha ikoranabuhanga rya VAR, byagaragaye ko Matty Cash yari yasize Doué ataraririye.
Igitego cyemejwe, PSG iyobora umukino ibitego 2-1.
Nyuma yo gutsindwa igitego cya kabiri, Aston Villa yakomeje gushaka uko yakwishyura.
About The Author
