Kuri uyu wa Gatanu tariki29 Gicurasi 2026 Ishyirahamwe ry’Umupira w’Amaguru mu Rwanda, FERWAFA, ryatangaje ku mugaragaro ko ryashyizeho Umunya-Brazil Rogério Ramos Dal Solio nk’umutoza mushya w’abazamu b’ikipe y’igihugu y’u Rwanda, Amavubi.
Ubutumwa bwo kumwakira bwashyizwe ku mbuga nkoranyambaga za FERWAFA uyu munsi, bukaba bugaragaza ko yinjiye mu ikipe y’abatoza iyobowe na Stephen Constantine, uherutse kugaruka gutoza Amavubi ku nshuro ya kabiri muri uyu mwaka.
Rogério Ramos Dal Solio ni muntu ki?
- Amazina ye yuzuye: Rogério Ramos Dal Solio
- Yavutse: ku wa 26 Ugushyingo 1973
- Akomoka: Passo Fundo, Rio Grande do Sul, Brazil
- Ubwenegihugu: Brazil
Ramos Dal Solio afite uburambe bwinshi nk’umutoza w’abazamu, cyane cyane mu bihugu by’u Buhinde na Brazil. Mu makipe n’amakipe y’ibihugu yatoje harimo: Ikipe y’igihugu ya Pakistan (ari kumwe na Stephen Constantine), Mumbai City FC, Odisha FC, Amakipe y’abato y’ikipe y’igihugu y’u Buhinde, Amakipe atandukanye yo muri Brazil nka: Santa Cruz-PE, Novo Hamburgo, Passo Fundo, Santo André
Kuba uyumutoza yashyizweho mum’Amavubi ni urugendo rwo kongera kubaka ikipe ya Stephen Constantine, hagamijwe kuzamura urwego rw’imikinire no kwitwara neza mu marushanwa ari imbere, harimo n’imikino yo gushaka itike ya CAN (AFCON).
About The Author
