Mu isi ya politiki n’umutekano w’abakuru b’ibihugu, ibikorwa by’ubutasi kenshi biba biri inyuma y’amaso y’abaturage. Icyakora, ibyabaye ku Perezida wa Amerika, Donald Trump, ubwo yaturukaga mu nama ya NATO muri Turikiya mu kwezi gushize, byagaragaje urwego rwo hejuru rwo gukora ibintu mu ibanga rikomeye cyane no kwirinda ibitero by’intwaro ziremereye. Ibikorwa by’iyo minsi byatumye benshi basobanukirwa uko inzego z’umutekano za Amerika zishobora guhindura gahunda zose gusa kugira ngo barinde umukuru w’igihugu.
Ikintu cyatangiye gukwirakwira mu bitangazamakuru nyuma y’uko White House itangaje ko Perezida Trump yari muri indege isanzwe yo mu bwoko bw’urwego rwo hejuru, Air Force One. Nyamara, ukuri kwaje kugaragara nyuma, gutandukanye nukwari kuzwi mbere.
Ibimenyetso by’amashusho yagiye hanze byaragagaje ko Trump yinjiye muri Air Force One ku muryango wari ugaragara ku makamera y’abanyamakuru, ariko nyuma asohokera mu muryango wo nyuma mu ibanga rikomeye. Yatwawe hakoreshejwe imodoka isanzwe itwara ibiribwa y’indege, yimurirwa mu ndege ya gisirikare idafite ibimenyetso biranga umukuru w’igihugu.
Uku guhindura indege mu ibanga kwegekwa ku mabwiriza akomeye y’inzego z’umutekano za Amerika, nka Secret Service n’Igisirikare cya Amerika. Nk’uko Trump ubwe yabitangaje, yagize ati: “Ngendera ku mabwiriza ya Secret Service n’igisirikare.
Bategetse ko njya mu yindi ndege, kandi ngomba gukora ibyo bavuze.” Ubu buhamya bugaragaza ko no ku mukuru w’igihugu ufite ububasha buhabwa abakuru b’ibihugu, mu bibazo by’umutekano ukomeye, amategeko n’amabwiriza y’inzego z’umutekano ari yo afite ijambo rya nyuma.
Ibirebana n’impamvu y’iyi gahunda idasanzwe bishingiye ku makuru yo mu rwego rwo hejuru y’ubutasi. Abayobozi ba Amerika bari babonyemo amakuru yizewe, nk’uko CBS News na New York Times babitangaje, agaragaza ko igihugu cy’Iran cyari gifite umugambi wo kurasa misile ku ndege ya Perezida.
Intandaro y’ibyo ni uko muri ako gace hafi y’aho inama ya NATO yabereye bari babonye umuntu ufite intwaro ishobora kurasa misile ziraswa mu kirere. Ibi byabaye umunsi umwe gusa nyuma y’uko Amerika isubukuye ibitero bya gisirikare ku bitero bya Iran, ibi bikaba byaratumye Iran ifata Trump nk’umwanzi wayo wa mbere.Iki gihe gishize gishobora gufatwa nk’urugero rukomeye rw’uko inzego z’ubutasi n’umutekano zikora mu bihe by’akaga gakomeye.
N’ubwo habayeho kuyobya abanyamakuru n’abaturage mu buryo bw’akanya gato, intego nkuru yari uburyo bwiza bwo kurengera ubuzima bw’umukuru w’igihugu mu gihe iterabwoba n’ibitero bya misile bishobora kuba mu buryo butunguranye. Ibyo bintu kandi bishimangira uburemere bw’umwuka mubi uri hagati ya Amerika na Iran, ugaragaza ko ikosa rito ryashoboraga kubyara intambara irushijeho gukomerera isi yose.
About The Author
