Ikibazo cy’amakimbirane n’ihohoterwa bikomeje kuvugwa hagati y’umuhanzi n’utunganya umuziki, Yampano, n’umukunzi we, Vava, cyashegeshe abantu benshi ku mbuga nkoranyambaga. Mbere y’uko yitaba Urwego rw’Ubugenzacyaha (RIB) i Kanombe. Yampano yabanje gufata amashusho asobanura intandaro y’ubwumvikane buke buri hagati yabo, agerageza gutanga uruhande rwe mbere y’uko ashyikirizwa inzego z’umutekano.
Mu kwiregura kwe, Yampano yashinje Vava kuba intandaro y’isenyuka ry’ubuzima bwe n’iry’umuryango we. Yavuze ko kuva uyu mukunzi we yakwinjira mu buzima bwe, ahazaza he hahindutse nk’akayunguruzo katobaguritse, maze ibintu bye byose bijya ku gasozi.
Uretse kumushinja ubusambo n’ubujura bw’ibikoresho vyo mu rugo, Yampano yashimangiye ko Vava yanamuciye ku nshuti n’ababyeyi be, ku buryo n’ababyeyi be batakigeraga iwe kubera agasuzuguro n’amakimbirane ahoraho.
Ikindi kirego gikomeye Yampano yavuze ni uko mu gihe cy’umwaka umwe gusa, Vava yakuyemo inda eshatu yari yaratewe, ndetse ko n’ubu ashobora kuba afite indi y’amezi atanu na yo ashobora gukuramo, asoza avuga ko uyu mukobwa yari yararahiriye kumufungisha.
Nyamara, nubwo Yampano atanga ubu buhamya bwe bwerekana ko ari we urengana, uruhande rwa Vava rwo rurashinja uyu mugabo ibyaha bikomeye by’ihohoterwa rishingiye ku gitsina n’iryo ku mubiri, kandi rugatsimbarara ku bimenyetso bigaragara.
Mu kiganiro cyanyuze mu buryo bw’imbonankubone (Live) kuri konti ya Godfather, Vava yerekanye ibimenyetso bitandukanye bishobora gushyira uyu mugabo mu kaga gakomeye k’amategeko.Muri ibyo bimenyetso harimo amafoto n’amashusho y’amajwi n’amashusho agaragaza ibikomere byuzuye umubiri we wose, harimo n’igice cy’izuru rye cyashwanyagujwe nyuma yo kurumwa na Yampano. Hari kandi n’ubutumwa bugufi (SMS) uyu mugabo yamwandikiraga amutera ubwoba ko azamwica cyangwa na we akiyahura mu gihe cyose yaramuka amureze mu nzego z’ubuyobozi.
Vava yongeyeho amashusho amwerekana ari kunywa ibiyobyabwenge, ashimangira n’ubuhamya bw’uko yigeze kugongwa n’imodoka ku bushake na Yampano, nyuma yo kumusohora mu modoka asanzwe atwara. Ibi birego biremeza ko umubano wabo wari ugeze aharindimuka n’ubuzima bw’umwega bukahatikirira.
Inzego z’ubugenzacyaha (RIB) zamaze kwinjira mu kibazo, akaba ari zo zizagaragaza ukuri n’umwanzuro w’amategeko ku mpande zombi nyuma yo gusuzuma ibimenyetso byose bishinjanya.
About The Author
